अनाथांची ‘माय’ हरपली!

ज्येष्ठ समाजसेविका सिंधुताई सपकाळ यांचे निधन

मुंबई : महाराष्ट्राची मदर तेरेसा अशी ओळख असणाऱ्या सिंधूताई सपकाळ यांचे निधन झाले असून त्यांनी वयाच्या ७५ व्या वर्षी अखेरचा श्वास घेतला. सिंधुताई सपकाळ यांचा जन्म १४ नोव्हेंबर १९४७ रोजी महाराष्ट्रातील वर्धा येथे झाला होता.

ज्येष्ठ समाजसेविका सिंधुताई सपकाळ यांचे ऱ्हदयविकाराच्या झटक्याने निधन झाले. त्या ७५ वर्षांच्या होत्या, रात्री ८ वाजून १० मिनिटांनी पुण्यातील गॅलक्सी हॉस्पिटलमध्ये निधन झाले, महिना भरापूर्वी त्यांचे हर्नियाचे ऑपरेशन झाले होते, त्यानंतर त्यांच्यावर उपचार सुरू होते, आज अखेर ऱ्हदयविकाराच्या झटक्याने निधन झाले. हजारो अनाथ मुला-मुलींना आश्रय देत त्यांची माय बनलेल्या सिंधुताई यांना नुकतेच पद्मश्री पुरस्काराने सन्मानित करण्यात आले होते. महिलांच्या अन्याय अत्याचाराला वाचा फोडण्याचे काम त्यांनी त्यांच्या सामाजिक कार्याच्या आरंभीस केले.