माजलगावात जिजाऊंच्या लेकींची रॅली

माँ जिजाऊ जन्मोत्सवाची जय्यत तयारी

माजलगाव : शहरात माँ जिजाऊ जन्मोत्सवाची जय्यत तयारी करण्यात येत असून महिलांनी गुरूवार, दिनांक १२ जानेवारी रोजी सकाळी ९ वाजता शहरात भव्य रॅलीचे आयोजन करण्यात आले आहे. प्रथमच शहरांसह परिसरातील महिला एकत्रित येऊन या रॅलीचे आयोजन करण्यात आले आहे. यासाठी मागील आठ दिवसांपासून गावोगाव बैठकांचे आयोजन करून या रॅलीत सहभागी होण्याचे आवाहन करण्यात येत आहे.

माँ जिजाऊचा जन्मोत्सव मोठ्या थाटात साजरा करण्यासाठी शहरांसह ग्रामीण भागातील जिजाऊच्या लेकी एकत्र आल्या आहेत. केवळ महिलांनी पुढाकार घेत गुरूवार, दिनांक १२ जानेवारी रोजी शहरातून भव्य रॅलीचे आयोजन करण्यात आले आहे. यासाठी अनेक महिला एकत्र आल्या असून या रॅलीची तयारी करत आहेत. या रॅलीत मोठ्या संख्येने महिलांनी सहभाग घ्यावा यासाठी शहरातील वार्डावार्डात, ग्रामीण भागातील खेड्यापाड्यात महिला बैठका घेत असून गुरूवारी निघणाऱ्या रॅलीत सहभागी होण्याचे आवाहन केले जात आहे. केवळ महिलांचे झांज, ढोलपथकाच्या गजरात गुरूवारी झेंडा चौकातून निघणारी रॅली हनुमान चौक, भारतरत्न डॉ.बाबासाहेब आंबेडकर चौक, छत्रपती शिवाजी महाराज चौक मार्गे जाणार असून छत्रपती संभाजी महाराज चौकात या रॅलीचा सामोरोप होणार आहे. या रॅलीत शहरासह तालुक्यातील महिलांनी मोठ्या संख्येने सहभागी व्हावे असे आवाहन रॅली समितीच्या महिलांनी केले आहे.