संकटग्रस्त बालकांसाठी आता हेल्पलाईनशी कनेक्ट रहा

शासनाचा 1098 टोल फ्री क्रमांक जारी

बीड : राज्यातील बालकामगार, बाल भिक्षेकरी, लैंगिक अत्याचार ग्रस्त बालके, हरवलेली बालके तसेच सापडलेली बालके, मदतीची आवश्यकता असलेली संकटग्रस्त बालके आढळल्यास अश्या बालकांना त्वरित मदत मिळवुन देण्यासाठी राज्य शासनाने 24 तासांसाठी 1098 हा टोल फ्री क्रमांक उपलब्ध करून दिला आहे. या क्रंमाकावर कॉल करून संकटग्रस्त बालकांना मदत करण्याचे आवाहन राज्य शासनाच्यावतीने करण्यात आले आहे.

संकटग्रस्त बालकांना त्वरित मदतीकरिता, महिला व बाल विकास विभाग भारत सरकार आणि महिला व बाल विकास विभाग, महाराष्ट्र शासन यांच्या मार्फत 0 ते 18 वयोगटातील कोणत्याही प्रकारच्या अडचणीत /संकटात सापडलेल्या तसेच काळजी व संरक्षणाची गरज असलेल्या सर्व बालकांसाठी चाईल्ड हेल्प सेवा 1098 संपूर्ण महाराष्ट्रात कार्यन्वित आहे. या सेवेअंतर्गत संकटग्रस्त बालकांना 24 X 7 हेल्पलाईन सेवा उपलब्ध आहे.सदर सेवेचा लाभ संकटग्रस्त बालक स्वत: घेवू शकतात किंवा इतर कोणीही सदर सेवेव्दारे संकटग्रस्त बालकांना मदत मिळवून देऊ शकतील. 1098 या टोल फ्री क्रंमाकावर वर कॉल करुन संकटग्रस्त बालकांना मदत करण्याचे असे आवाहन महाराष्ट्र राज्याचे महिला व बाल विकास आयुक्त डॉ.प्रंशात नारनवरे यांनी केले आहे.