शिवसेना आरोग्य यज्ञाचा ३ हजार गरजवंतांना लाभ

 वंदनीय बाळासाहेब ठाकरे शिवसेना वैद्यकीय कक्ष आणि डाॅ.श्रीकांत शिंदे फाऊंडेशन मार्फत पूरग्रस्त भागात नागरिकांची आरोग्य तपासणी व मोफत औषधी वाटप करण्यात आली आहे. त्यामुळे नागरिकांना मोठा आधार ठरला आहे. गुरूवारी माजलगाव येथे शासकीय विश्रामगृहात आयोजित पत्रकार परिषदेत राज्यभर सुरू असलेल्या सामाजिक कामाची माहिती कक्षाचे प्रमुख मंगेश चिवटे यांनी दिली. यावेळी जिल्हाप्रमुख अप्पासाहेब जाधव, रामराजे सोळंके, तुकाराम येवले यांच्या हस्ते औषधी किट वाटप केले. वंदनीय बाळासाहेब ठाकरे शिवसेना वैद्यकीय मदत कक्ष व श्रीकांत शिंदे फाऊंडेशनच्या वतीने राज्यात १०० रूग्णवाहिकांचे वाटप करण्यात येणार आहे. त्यापैकी ६५ रूग्णवाहिकांचे वाटप करण्यात आले आहे. जनतेला त्याचा लाभही मिळत आहे. उर्वरित ३५ रूग्णवाहिकांचे लवकरच वाटप होणार आहे. कोरोना संकटात नामांकित कंपनीच्या ऑक्सिजन मशीन ज्याची किंमत ७५ हजार अशा ५०० मशीनचे वाटप केले. रूग्णांची तपासणी करून मोफत औषधी वाटप करत आहोत, त्या नामांकित कंपनीच्या असून १२५ प्रकारची औषधी असल्याचे चिवटे यांनी सांगितले. ‘जिथे कमी तिथे आम्ही’ या युक्तीप्रमाणे आम्ही काम करतो. आम्ही फोटोशेसनसाठी नाही तर समाजातील तळागाळातील मानवाला सेवा मिळावी यासाठी काम करत असल्याचेही कक्षप्रमुख मंगेश चिवटे यांनी सांगितले. या मदत कक्षाचा वैद्यकीय सेवांचा लाभ गोविंदपूर, लुखेगाव, मनूर, मंजरथ, ढेपेगाव, नागडगाव, सांडस चिंचोली(ता.माजलगाव), गांवदरा, भोपा(ता.धारूर), चिंचाळा, देवडी, साळिंबा (ता.वडवणी) यासह अनेक गावातील नागरिकांना देण्यात आला. या गावातील नागरिकांची डॉ.यशवंत राजेभोसले, डॉ.शेख अफरोज, डॉ.संतोष गवते, डाॅ.युवराज कोल्हे यांनी आरोग्य तपासणी केली. मोठ्या आजारासाठी व गरजू लोकांना मुख्यमंत्री वैद्यकीय सहायता व पंतप्रधान वैद्यकीय सहायताबाबत मार्गदर्शन केले. माजलगाव, वडवणी, धारूर या तालुक्यात ३  हजारांपेक्षा अधिक गरजवंतांनी याचा लाभ घेतला. जिल्हाप्रमुख अप्पासाहेब जाधव, रामराजे सोळंके, तुकाराम येवले, अतुल उगले, अनिल धुमाळ, आनंद धुमाळ, राम राऊत, ऋषिकेश देशमुख, नितीन हिलाल, जितेंद्र सातव, प्रविण गवारे, शिवसेना वैद्यकीय मदत कक्षाच्या बीड जिल्हा समन्वयक उज्ज्वलाताई भोपळे, माजलगाव तालुका समन्वयक भगीरथ तोडकरी, वडवणीचे समन्वयक ओमराजे जाधव, बीडचे समन्वयक विजयराज काटे, गेवराईचे धर्मराज आहेर, खंडू पाटील, सुरज काटकर आदी उपस्थित होते.

धारूर : तालुक्यातील भोपा येथे पत्रकारांना मोफत प्रथमोपचार कीट वितरण करताना कक्षप्रमुख मंगेश चिवटे, धारूर तालुकाप्रमुख बाळासाहेब कुरूंद, ज्येष्ठ पत्रकार बाबा श्रीहरी देशमाने, अनिल महाजन, बालासाहेब फपाळ, दीपक गडसिंग आदी.