माजलगाव नगरपालिकेचे नवे मुख्याधिकारी म्हणून आदित्य जीवने रूजू

माजलगाव : येथील नगरपालिकेचे नवे मुख्याधिकारी म्हणून आयएएस अधिकारी आदित्य जीवने यांनी स्वतंत्र पदभार स्वीकारला आहे. दरम्यान, मी सकारात्मक दृष्टिकोन घेऊन माजलगाव नगरपालिकेची सूत्रे हाती घेतली आहेत. माजलगावकरांनी सकारात्मक प्रतिसाद द्यावा, असे ‘वर्तमान’शी बोलताना जीवने सांगितले.

छत्रपती संभाजीनगरचे विभागीय आयुक्त सुनिल केंद्रेकर यांनी परत एकदा आयएएस आदित्य जीवने हे प्रशिक्षणार्थी कालावधीत असताना त्यांची माजलगाव नगरपालिकेत दिनांक १० एप्रिल २०२३ ते १२ एप्रिल २०२३ (५ आठवडे) या कालावधीत मुख्याधिकारी म्हणून पाठवले आहे. त्यानुसार ते आज सोमवार, दि.१० एप्रिल रोजी दुपारी ४ वाजता नगरपालिका कार्यालयात उपस्थित राहून पदभार स्वीकारून ते कामाला लागले आहेत. आयएएस आदित्य जीवने यांनी स्वतंत्र पदभार स्वीकारताच माजी नगराध्यक्ष शेख मंजूर, नुमान चाऊस, पालिकेचे कार्यालयीन अधीक्षक गणेश डोंगरे, सुधाकर उजगरे, अक्षय धारक आदी कर्मचाऱ्यांनी त्यांचे स्वागत केले.