राज्य मंत्रिमंडळाचे फेरबदलासह खातेवाटप जाहीर

अनपेक्षितपणे अजित पवारांकडे अर्थ खाते; धनंजय मुंडे यांच्याकडे कृषी खात्याची जबाबदारी

मुंबई : मागील काही दिवसांपासून रखडलेला मंत्रीमंडळ खातेवाटप अखेर आज झाला आहे. मुख्यमंत्री आणि उपमुख्यमंत्र्यांच्या चर्चेनंतर खातेवाटपावर शिक्कामोर्तब झाले आहे. राज्यपाल रमेश बैस यांची स्वाक्षरी झाल्यानंतर मुख्यमंत्री यांच्या परवानगीने खातेवाटप प्रसिद्ध करण्यात आली आहे. दरम्यान, अपेक्षितपणे अर्थमंत्री पद उपमुख्यमंत्री अजित यांना मिळाले आहे, तर कृषी खात्याची जबाबदारी धनंजय मुंडे यांच्याकडे देण्यात आली आहे.

अजित पवार गटाचे खातेवाटपाची यादी…

अजित पवार – उपमुख्यमंत्री अर्थ आणि नियोजन
संजय बनसोडे – क्रीडा
आदिती तटकरे – महिला बालविकास मंत्रालय
हसन मुश्रीफ – वैदकीय शिक्षण
अनिल पाटील – मदत पुनर्वसन
दिलीप वळसे पाटील – सहकार
धनजंय मुंडे – कृषी खाते
छगन भुजबळ – अन्न आणि नागरी पुरवठा
धर्मरावबाबा आत्रम – अन्न व औषध पुरवठा

राज्य मंत्रिमंडळातील नवनियुक्त मंत्र्यांच्या खातेवाटपाबरोबरच सध्याच्या मंत्र्यांच्या खात्यांमध्ये देखील काही फेरबदल करून मुख्यमंत्री एकनाथ शिंदे यांनी आज खातेवाटप जाहीर केले आहे. राज्यपाल रमेश बैस यांनी मंजुरी दिल्यानंतर हे खातेवाटप जाहीर करण्यात आले आहे.

मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग

उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील.

उपमुख्यमंत्री अजित पवार यांच्याकडे वित्त व नियोजन हे खाते राहील.

इतर २६ मंत्र्यांची खाती पुढीलप्रमाणे :

छगन भुजबळ – अन्न व नागरी पुरवठा व ग्राहक संरक्षण
दिलीपराव दत्तात्रय वळसे-पाटील – सहकार
राधाकृष्ण विखे-पाटील – महसूल, पशुसंवर्धन आणि दुग्ध व्यवसाय विकास
सुधीर सच्चिदानंद मुनगंटीवार- वने, सांस्कृतिक कार्य, व मत्स्य व्यवसाय
हसन मियाँलाल मुश्रीफ – वैद्यकीय शिक्षण व विशेष सहाय्य
चंद्रकांतदादा बच्चू पाटील – उच्च व तंत्रशिक्षण, वस्त्रोद्योग आणि संसदीय कार्य
विजयकुमार कृष्णराव गावित- आदिवासी विकास
गिरीष दत्तात्रय महाजन- ग्राम विकास आणि पंचायत राज, पर्यटन
गुलाबराव पाटील- पाणीपुरवठा व स्वच्छता
दादाजी दगडू भुसे- सार्वजनिक बांधकाम (सार्वजनिक उपक्रम)
संजय दुलिचंद राठोड- मृद व जलसंधारण
धनंजय पंडितराव मुंडे – कृषी
सुरेशभाऊ दगडू खाडे- कामगार
संदीपान आसाराम भुमरे- रोजगार हमी योजना व फलोत्पादन
उदय रविंद्र सामंत- उद्योग
प्रा.तानाजी जयवंत सावंत- सार्वजनिक आरोग्य व कुटुंब कल्याण
रवींद्र दत्तात्रय चव्हाण – सार्वजनिक बांधकाम (सार्वजनिक उपक्रम वगळून),
अब्दुल सत्तार- अल्पसंख्याक विकास व औकाफ, पणन
दीपक वसंतराव केसरकर- शालेय शिक्षण व मराठी भाषा
धर्मरावबाबा भगवंतराव आत्राम – अन्न व औषध प्रशासन
अतुल मोरेश्वर सावे – गृहनिर्माण, इतर मागास व बहुजन कल्याण
शंभूराज शिवाजीराव देसाई- राज्य उत्पादन शुल्क
अदिती सुनिल तटकरे – महिला व बालविकास
संजय बाबुराव बनसोडे – क्रीडा व युवक कल्याण, बंदरे
मंगलप्रभात लोढा- कौशल्य विकास, उद्योजकता व नाविन्यता
अनिल पाटील – मदत पुनर्वसन, आपत्ती व्यवस्थापन.

शिवसेनेकडून अजित पवार गटाला तीन खाती गेली आहेत.

१.कृषी
२.मदत आणि पुनर्वसन
३.अन्न आणि औषध प्रशासन

भाजपकडून सहा खाती राष्ट्रवादीला देण्यात आली आहेत.

१. अर्थ
२. सहकार
३. वैद्यकीय शिक्षण
४. अन्न नागरी पुरवठा
५. क्रीडा
६. महिला आणि बालकल्याण

महाविकास आघाडी सरकार असताना राष्ट्रवादीकडे कोणती खाती होती ?

वित्त आणि नियोजन
गृह खाते
ग्रामविकास
जलसंपदा
गृहनिर्माण
राज्य उत्पादन शुल्क
सामाजिक न्याय
सार्वजनिक आरोग्य
अन्न आणि नागरी पुरवठा
अन्न आणि औषध प्रशासन
अल्पसंख्यांक कामगार