बुलढाणा : महाराष्ट्र राज्य सहकारी फेडरेशन व नॅशनल फेडरेशन ऑफ मल्टीस्टेटच्या संयुक्त विद्यमाने आशिया अखंडातील सर्वात मोठी असलेली बुलढाणा अर्बन को-ऑप क्रेडिट सोसायटीचे संस्थापक अध्यक्ष तथा महाराष्ट्रातील पतसंस्था चळवळीचे मार्गदर्शक, आधारस्तंभ, राधेशाम चांडक हे ७५ व्या वर्षात पदार्पणाबद्दल गुरूवार, दिनांक ९ ऑक्टोबर रोजी अमृत महोत्सव सोहळा कार्यक्रम सहकार मंदिर बुलढाणा येथे आयोजित करण्यात आला होता. सदरील अमृत सोहळा कार्यक्रमांमध्ये माजलगावचे भूषण, सहकाररत्न, श्री मंगलनाथ मल्टीस्टेटचे संस्थापक अध्यक्ष आर.जी कानडे साहेब यांना महाराष्ट्र राज्याचे जलसंपदा मंत्री राधाकृष्ण विखे पाटील यांच्या हस्ते जीवनगौरव पुरस्काराने सन्मानित करण्यात आले.
महाराष्ट्र राज्य पतसंस्था फेडरेशन व राष्ट्रीय फेडरेशन ऑफ मल्टीस्टेट यांच्या संयुक्त विद्यमाने आंतरराष्ट्रीय सहकार वर्षांनिमित्त प्रथमच महाराष्ट्रातील सहकार चळवळ सक्षमीकरण करण्याकरिता आपले अमूल्य व महत्त्वपूर्ण योगदान देणाऱ्या व्यक्तिमत्त्वांचा सन्मान करण्यासाठी हा पुरस्कार वितरीत करण्याचा ठराव घेण्यात आला. त्या अनुषंगाने महाराष्ट्रातील सर्व पतसंस्था व मल्टीस्टेट यांच्याशी समन्वय व विचारविनिमय करून प्रथम पुरस्काराचे मानकरी म्हणून आर.जी.कानडे यांना नामांकित करण्यात आले. सदरील कार्यक्रमाचे उद्घाटक मंत्री राधाकृष्ण विखे पाटील तर प्रमुख उपस्थितीमध्ये केंद्रीय आरोग्य राज्यमंत्री प्रतापराव जाधव, आमदार संजय गायकवाड, आमदार संजय कुटे, आमदार सिद्धार्थ खरात, आमदार वसंत खंडेलवाल हे होते.
आर.जी कानडे यांनी सहकार क्षेत्रात गेल्या अनेक वर्षांपासून कार्य करताना संस्थात्मक विकास, पारदर्शक व्यवहार व सदस्यहित यांचा उत्तम समन्वय साधला आहे. त्यांच्या अथक परिश्रमामुळे केवळ माजलगाव तालुका नव्हे तर मराठवाड्यातील सहकार चळवळ सक्षम होण्यास बहुमूल्य महत्त्वपूर्ण योगदान दिले आहे. त्यांच्या या यशस्वी कार्याबद्दल त्यांना जीवनगौरव पुरस्काराने सन्मानित करण्यात आले त्यामुळे निश्चितच माजलगाव चे नाव लौकिक त्यांनी वाढवले आहे. या समारंभास सहकार क्षेत्रातील मान्यवर, विविध पतसंस्था व मल्टीस्टेट, संस्थांचे अध्यक्ष, उपाध्यक्ष, संचालक, कर्मचारी वृंद व सदस्य तसेच स्थानिक नागरिक हजारोच्या संख्येने उपस्थित होते.
Comment here